ڕۆژی شەممە ٢ی خاكەلێوەی ١٤٠٤، “كەیهان تەدبیری”، منداڵی تەمەن ١٧ ساڵ، “محەممەد نیكپەی”، تەمەن ٢٨ ساڵ و “كاوە داستان”، تەمەن ٤٥ ساڵ، كە هەر سێ خەڵكی گوندی “نێ”ی سەر بە مەریوانن، دەستبەسەر كران. هاوكات، محەممەد قادری تەمەن ١٧ ساڵ و خەڵكی گوندی “سەردۆش” دوای بانگكرانی بۆ ئیدارەی ئیتلاعاتی مەریوان دەستبەسەر كراوە.
بە وتەی سەرچاوەیەكی ئاگادار، كەیهان تەدبیری دوای بەندكران بۆ یەكێك لە دەستبەسەرگەكانی ئیدارەی ئیتلاعات لە شاری سنە گواستراوەتەوە. هەر لەم پەیوەندییەدا ڕۆژی هەینی “ئارام نیكپەی” تەمەن ٣٨ ساڵ، “محەممەد نیكپەی”، تەمەن ٢٨ ساڵ، “محەممەد ئەشتەك”، تەمەن ٢٣ ساڵ، “تەحسین دادڕەس”، بەندكراوی سیاسیی پێشووی تەمەن ٣١ ساڵ، “بیلال دادڕەس”، تەمەن ٣٦ ساڵ و خەڵكی مەریوان دەستبەسەر كرابوون. تا كاتی داڕشتنی ئەم ڕاپۆرتە، زانیارییەكی ورد لەسەر شوێنی ڕاگرتن و هەروەها چارەنووسی حەوت كەس لەم هاووڵاتییانە لەبەر دەستدا نییە.