گیان لەدەستدانی هاووڵاتییەک بەهۆی ڕووداوی تەقینەوە لە بەنزینخانەیەکی بۆکان
دوشەممە ۰۸-۰۲-۱۴۰۴ | 28-04-2025
بەپێی ڕاپۆرتەکان، ڕۆژی شەممە ٦ی گوڵانی ١٤٠٤، هاووڵاتییەک بە ناوی “ئارام محەممەدی” تەمەن ٣٥ ساڵ و خەڵکی شاری بۆکان، بە هۆی تەقینەوە لە پۆمپی بێنزینی حەیدەری لەمشارە، بە سەختی بریندار بووە.
شایانی باسە، ئەم هاووڵاتییە دوای ڕەوانە کرانی بۆ نەخۆشخانە، لە رێکەوتی ٧ی گوڵان، گیانی لە دەستداوە. ئارام محەممەدی لە ماوەی ١٠ ساڵی ڕابردوودا وەک حیسابدار لەو پۆمپی بێنزینە کاری کردووە.