Komala

ڕۆژی شەممە ٢٢ی خەرمانانی ١٤٠٤، لەئەنجامی تەقینەوەیەک لە قاوەخانەیەکی شاری مادرید پایتەختی ئیسپانیا، لانیکەم کەسێک گیانی لەدەست داوە و ٢٥ کەسی دیکەش برینداربوون.
شایانی باسە، کاربەدەستانی ئیسپانیا ڕایانگەیاندووە کە هۆکاری تەقینەوەکە “تەشەنە سەندنی گاز” بووە. هاوکات تیمەکانی فریاکەوتنی مادرید ڕایانگەیاندووە کە تەرمی کەسێکیان لەژێر دارووپەردووی قاوەخانەکە دۆزیوەتەوە و ڕاشیانگەیاندووە کە دۆخی تەندرووستی دوو کەس لە برینداربووەکان ناجێگیرە. جێگای ئاماژەیە، ئەم ڕووداوە کاتژمێر ٣ی دوانیوەڕۆی شەممە ڕوویداوە.