Komala

نانواییەکانی شاری مەشهەد، ئەمڕۆ چوارشەممە ١٦ی ڕەزبەر، بۆ چەندەمین ڕۆژی بەردەوام لە ئاست پەرداخت نەکرانی یارانەکان و ئەو شتەی کە ناوی دەنێن “دزینی نان” لە لایەن شیرکەتی نانینۆ،  لە بەرامبەر بینای ئۆستانداریی ئەمشارە دەستیاندایە کۆبوونەوە.
ناڕازییان دەڵێن: سێ مانگە بەڵێنمان پێ دەدەن، بەڵام هەتا ئێستا هیچ پووڵێکمان پێنەدراوە و ئەمڕۆ و سەبەینێ کردن پێمان، تەنیا تووڕەیی و قووڵ بوونەوەی قەیرانی گوزەران زیاتر دەکات. دەشڵێن: کەسانێک کە بە دەستی خۆیان نانی خەڵک دابین دەکەن، ئەمڕۆ ناچارن بۆ وەرگرتنی مافی سەرەکی خۆیان، بێنە سەر شەقامەکان و ناڕەزایەتیی دەرببڕن.