برینداربوونی کۆڵبەرێک بەهۆی تەقینەوەی مین لە سنووری هەنگەژاڵە
هەینی ۱۸-۰۷-۱۴۰۴ | 10-10-2025
کۆڵبەرێکی خەڵکی شاری بانە بەهۆی تەقینەوەی مین لە ناوچەی سنووریی «هەنگەژاڵ»ی ئەو شارە لاقێکی لەدەستدا.
ڕۆژی چوارشەممە ۱۶ی ڕەزبەری ١٤٠٤، ناسر ڕەحیمی، خەڵکی گوندی «منجیلان» سەر بە شارۆچکەی نمشیری بانە بەهۆی تەقینەوەی مین لاقێکی لە دەست داوە. بە وتەی سەرچاوەیەکی ئاگادار، گوێزنگی لاقی ناسر ڕەحیمی بڕدراوەتەوە و ناوبراو بۆ ناوەندێکی دەرمانی گواستراوەتەوە.