Komala

خانەنشین کراوانی شیرکەتی مۆخابەرات، ئەمڕۆ دووشەممە ٢٦ی خەزەڵوەری ١٤٠٤، لە شارەکانی تاران، تەورێز، هەمەدان، ئەهواز، ئیسفەهان، کرماشان، مەریوان، ورمێ و سنە، بۆ جارێکی دیکە بە مەبەستی وەدیهاتنی خواستەکانیان، هاتنە سەر شەقامەکان و دەستیاندایە کۆبوونەوە.
بەپێی ئەم ڕاپۆرتە، خانەنشین کراوانی ناڕازی بەوتنەوەی چەندین درووشمی ئێعڕازی، خوازیاری جێبەجێ کرانی خواستەکانیان لەوانە: “درانی حقووقە دواخراوەکانیان، بەکردەوە دەرهاتنی ئایننامەکان و پێڕاگەیشتن بە بارودۆخی نالەباری بیمەی تەکمیلیان” بوون. خانەنشین کراوانی ناڕازی هەروەها سەرنج نەدانی ستادی ئیجرایی، وادە و بەڵێنی بێ بنەمای بەڕێوەبەری گشتی، کۆنسێرسیۆمی متمانەی مۆبینی سپا و ناوەندەکانی چاوەدێریان مەحکووم کرد و خوازیاری وەڵامدانەوەی بەرپرسان بە کێشە و گرفتەکانیان بوون.