Komala

شەوی یەکشەممە ٢٢ی رەشەممە سپای پاسداران ١٢ موشەکی ئاڕاستەی فڕۆکەخانەی هەولێر کرد و لە ئەنجامی ئەو هێرشە موشەکییەدا زیانێکی مادی زۆر بەر دانیشتووانی دەڤەری فڕۆکەخانەی هەولێر کەوتووە و هاوولاتییەکی خەڵکی هەولێریش بەتووندی بریندار بووە. دەزگای دژە تیرۆری حکومەتی هەرێمی کوردستان لەو بارەوە رایگەیاندووە، مووشەکەکان لە کرماشان و تەورێزەوە ئاڕاستە کراون و ئامانجی ئەو هێرشە مووشەکیەی سپای پاسداران کۆنسوڵخانەی ئەمریکا لە هەولێر بووە.
شانەی راگەیاندنی ئەمنیی عێراقیش راگەیێندراوێکی سەبارەت بە هێرشە مووشەکییەکەی شەوی رابردوو بڵاوکردەوە و رایگەیاند، ئەم جۆرە کردەوانە هیچ پاساوێکیان نییە و دەرەنجامیشیان دۆڕانە، ئەنجامدەرانیشی بەسزای یاسایی خۆیان دەگەیێندرێن.