عەبدولواحید عەباسی زادە دەست بەسەر و ڕەوانەی زیندان کرا
شەممە ۲۴-۰۲-۱۴۰۱ | 14-05-2022
رۆژی شەممە ٢٤ ی مانگی گوڵان، عەبدولواحید عەباسی زادە تەمەن ٣٥ سال و خەڵکی گوندی ”کەوپێچی خواروو”، سەر بە شاری بانە کە پێشتر سزای زیندانی بەسەردا سەپا بوو، دوای دەست بەسەر کردنی ڕەوانەی زیندانی ناوەندی شاری بانە کرا.
ناوبراو سالی ڕابردوو لە لایەن دادگای رژیمەوە بە تۆمەتی ”پڕوپاگەندە بە قازانجی یەکێک لە حیزبە سیاسیەکانی کوردوستان” لە ڕێگای تۆڕە کۆمەڵایەتییەکانەوە، سزای ٣ مانگ زیندانی بە سەردا سەپا و دوای ١٤ ڕۆژ زیندان، سزاکەی بۆ ٢ ساڵ بەرز کرابووەوە.