ناروونی چارەنووسی هاوولایەتییەکی خەلکی شاری سنە
سێشەممە ۲۷-۰۲-۱۴۰۱ | 17-05-2022
سەرەڕای تێپەڕینی نزیک بە یەک هەفتە لە دەستبەسەرکرانی مەسعوود عەزیزی هاووڵاتی شاری سنە،هێشتا چارەنووسی نادیارە و بەدواداچوونی بەردەوامی بنەماڵەکەی لەو پەیوەندییەدا بێ ئاکام ماوەتەوە. مەسعوود عەزیزی ڕۆژی پێنجشەممەی پێشوو ڕێکەوتی ٢٢ی مانگی گولان لەلایەن هێزە ئەمنییەکانەوە دەستبەسەر و بۆ شوێنێکی نادیار گوازراوەتەوە.
هەتا کاتی ئامادە کردنی ئەم هەواڵە، هیچ زانیارییەک لە سەر هۆکاری دەستبەسەرکران و ئەو تۆمەتانەی خراونەتە پاڵ مەسعوود لە بەر دەستدا نییە.