دەستبەسەرکرانی ژمارەیەک لە بازاریانی خۆپیشاندەر لە ئیلام
پێنجشەممە ۲۶-۰۳-۱۴۰۱ | 16-06-2022
دوابەدوای خۆپیشاندانی ناڕەزایەتی بازاڕیانی ئیلام بە نیسبەت سیاسەتی ئابووری رژیم بەتایبەت بەرزبوونەوەی نرخی ماڵیات و گران بوونی نرخی دۆلار، هێزە ئەمنییەکان چەند کەس لە بازاڕاڕییەکانیان دەستبەسەر کردووە کە یەکێکیان ناوی یوونس بەختیە.
هێزە سەرکوتگەرەکانی رژیم لانی کەم پێنج کەسی تر لە بازاڕیانی ناڕازییان دەستبەسەر کردووە کە هەتا ئێستا ناویان ئاشکرا نەبووە.
بازاڕیانی ئیلام هەروەها رۆژی چوارشەممە ٢٥ی جۆزەردان لە بەردەم ساختمانی فەرمانگەی گشتی ماڵیاتی ئیلام کۆ بوونەوە و وێڕای دەربڕینی ناڕەزایەتی بە سیاسەتی ئابووری رژیم، خوازیاری دەست لە کارکێشانەوەی وەزیری ئابووری کابینەی ئیبراهیم ڕەئیسی بوون.