گواستنەوەی بەندکراوێکی سیاسی مەحکووم بە ئێعدام بۆ شوێنێکی نادیار
سێشەممە ۳۱-۰۳-۱۴۰۱ | 21-06-2022
فیرووز مووسالوو بەندکراوی سیاسی خەڵکی شارۆچکەی کۆتۆڵ سەر بە شاری خۆی کە پێشتر سزای سێدارەی بە سەردا سەپا بوو، ڕۆژی شەممە ٢٨ی جۆزەردان، بە شێوەیەکی لەناکاو لە بەندی سیاسیی بەندیخانەی ناوەندیی ورمێ بۆ شوێنێکی نادیار گوازراوەتەوە و چارەنووسی نادیارە.
ڕۆژی شەممە فیرووز مووسالوو بە بیانووی بانگکرانی بۆ ئیدارەی ئیتلاعاتی ورمێ لە بەندی سیاسیەوە براوەتە دەرەوە و لەو کاتەوە تا ئێستا هیچ زانیارییەک لە سەر چارەنووسی ناوبراو لە بەر دەستدا نییە.