لەسێدارە دانی زیندانیەکی سیاسی لە ورمێ
سێشەممە ۳۱-۰۳-۱۴۰۱ | 21-06-2022
ڕۆژی دووشه‌ممه ٣٠ی جۆزه‌ردان، حۆكمی ئێعدامی زیندانیەکی سیاسی به ناوی “فیرووز مووسالوو” ٣١ ساڵ تەمەن، خه‌ڵكی گوندی “قه‌توور“ی سه‌ر به شاری “خۆی“ له زیندانی ناوه‌ندی ورمێ بەکردەوە دەرهات.
شایانی باسە کە، “فیرووز مووسالوو” بە تۆمەتی ئەندامیەتی لە یه‌كێك له حیزبه سیاسیەکانی کوردوستان له شاری سه‌رده‌شت ده‌ستبه‌سه‌ر و بۆ لێپرسینه‌وه ڕاگوێزی گرتووخانه‌ی ئه‌منییه‌تی شاری ورمێ كرابوو. دواجار “فیرووز” له‌لایه‌ن دادگای ڕژیمه‌وه به تۆمه‌تی “مۆحاریبه” حۆكمی ئێعدامی به‌سه‌ردا سه‌پا. جێگای ئاماژه‌یه كه حۆكمی ئێعدامی ئه‌و زیندانییه سیاسییه بە نهێنی و به‌بێ ئاگاداركردنه‌وه‌ی بنه‌ماڵه و پارێزه‌ره‌كه‌ی جێبه‌جێكراوه و لە شوێنیکی نادیار ئەسپەردە کراوە.