ئازاد بوونی ٣ مامۆستای دەستبەسەرکراو لە شاری سنە
پێنجشەممە ۰۲-۰۴-۱۴۰۱ | 23-06-2022
ڕۆژی پێنجشەممە ٢ی پووشپەڕ، سێ کەس لە مامۆستایان و هەلسووراوانی سینفی دەستبەسەرکراوی شاری سنە بە ناوەکانی “ڕەزا تەهماسبی”، “بێهزاد قەوامی” و “غیاس نێعمەتی” بە دانانی بارمتە و بەشێوەی کاتی لە دەستبەسەرگەی ئیدارەی ئیتلاعاتی رژیم لە شاری سنە ئازاد کران.ئەم سێ مامۆستایە لە ماوەی ئەو ڕۆژانەی کە دەستبەسەر بوون لە مافی دەسپێراگەیشتن بە پارێزەر و هەروەها مافی دیتنی بنەماڵەکەیان بێبەش بوون.