مانگرتنی کرێکارانی شارەداری سەرپۆل زەهاب
شەممە ۰۴-۰۴-۱۴۰۱ | 25-06-2022
ڕۆژی پێنجشه‌ممه ٢ی پووشپه‌ڕ، ژماره‌یه‌ك له كرێكارانی شاره‌داری سه‌رپۆل زەهاب له ناڕه‌زایه‌تی به حه‌قده‌سته وەدواخراوەکانیان بۆ ماوه‌ی چه‌ند مانگ، له به‌ردەم شاره‌داری ئه‌و شاره مانیان گرت.
به‌پێی ڕاپۆرته‌كان، كرێكارانی شاره‌داری سه‌رپۆل زەهاب، له ئوستانی كرماشان ماوه‌ی سێ مانگه حه‌قده‌ستیان وەرنەگرتووە و به‌رپرسانی شاره‌داری خۆیان له پێدانی حه‌قی بیمه‌ی ئه‌و كرێكارانه‌ش ده‌بوێرن. جێگای ئاماژه‌یه دواكه‌وتنی حه‌قده‌ستی ئه‌و كرێكارانه له‌م دۆخه ئابووریه‌دا ئه‌و كرێكارانه و بنه‌ماڵه‌كانیانی ڕووبه‌ڕووی كۆمه‌ڵێك كێشه و گرفتی گه‌وره كردووه‌ته‌وه.