Komala

سەرلەبەیانی ڕۆژی چوارشەممە ٢٢ی پووشپەڕ، سزای سێدارەی دوو هاووڵاتیی خەڵکی شاری کوهدەشت سەر بە پارێزگای لوڕستان بە ناوەکانی محەممەد حاتەمی تەمەن ٢٨ ساڵ و فەرزاد گەڕاوەند تەمەن ٢٧ ساڵ، لە بەندیخانەی ناوەندیی کەرەج بەکردەوە دەرهات. ئەم دوو هاووڵاتییە کوردە چەند ڕۆژ پێش، لە گەڵ کەسێکی تر ڕەوانەی ژووری تاکەکەسی کرابوون.
جێگای ئاماژەیە کە ئەم دوو هاووڵاتییە کوردەی خەڵکی کوهدەشت سەرەتای پاییزی ساڵی ڕابردوو لەگەڵ سێ کەسی تر بە تۆمەتی موحاریبە دەستبەسەر کرابوون.
هەروەها ڕۆژی سێشەممە ٢١ی پووشپەڕ،سزای سێدارەی هاووڵاتییەکی کوردی خەڵکی هەرسین سەر بە پارێزگای کرمانشا بە ناوی ڕەسووڵ مواردقولی لە بەندیخانەی ناوەندیی شاری ساری، ناوەندی پارێزگای مازندەران بەکردەوە دەرهات.