کوژرانی ٢منداڵ بە هۆی تەقەی هێزە ئینتزامییەکانی ڕژیم لە مەریوان
دوشەممە ۱۰-۰۵-۱۴۰۱ | 01-08-2022
شەوی یەکشەممە ٩ی گەلاوێژ، هێزە ئینتزامییەکانی ڕژیم لە جادەی خورەمئاوا و لە خاڵی پشکنینی فیروزئاوا تەقەیان لە ئۆتۆمبێلی هاووڵاتییەک بە ناوی ڕەحمان ڕاشدی مەنش خەڵکی گوندی قوڵقوڵە سەر بە شاری مەریوان کردووە و لە ئاکامی ئەو دەستڕێژەدا دوو منداڵەی ناوبراو بە ناوەکانی مەتین ڕاشدی مەنش و هادی ڕاشدی مەنش دەستبەجێ گیانیان لەدەستداوە. شایانی باسە ڕەحمان ڕاشدی مەنش و هاوسەرەکەی بە ناوی هۆما لەلایەن هێزە ئەمنییەکانەوە دەستبەسەر و تا ئێستا هیچ زانیارییەک لەسەر چارەنووسیان لەبەر دەستدا نییە.