ده‌ستبه‌سه‌ركرانی چوار كه‌سی سه‌ر به رژیمی كۆماری ئیسلامی له‌ئاڕژانتین
هەینی ۲۱-۰۵-۱۴۰۱ | 12-08-2022
میدیاکانی ئارژانتین ڕۆژی پێنجشه‌ممه ٢٠ی مانگی گه‌لاوێژ باسیان لە دەستبەسەرکردنی چوار بەکرێگیراوی ڕژیمی کۆماری ئیسلامی کرد کە پاسپۆرتی ساختەی فەڕانسه‌ویان پێ بووە. پێگەی هەواڵی “پرایمێرا ئێدیسیۆن” لە بۆینس ئایرێس بڵاوى کردووەتەوە کە ئەو کەسانە خۆیان بە ڕەچەڵەک عێراقی نیشانداوە و به‌نیازبوون خۆیان بگه‌یه‌ننه ئامستردامی هوله‌ند. ئەو چوار كه‌س لە فڕۆکەخانەی نێودەوڵەتی “بۆینس ئایرێس” به تۆمه‌تی په‌یوه‌ندی له‌گه‌ڵ سپای قودس دەستبەسەر کراون و لە ژێر لێپرسینه‌وه‌دان.
