ئازادی کاتی یەکێک لە مامۆستایانی دەستبەسەرکراو بە دانانی بارمتە
پێنجشەممە ۲۷-۰۵-۱۴۰۱ | 18-08-2022
ئەسکەندەر لوتفی یەکێک لە ئەندامانی دەستەی بەڕێوەبەریی ئەنجوومەنی پیشەیی مامۆستایانی کوردستان لقی مەریوان و وتەبێژی شوورای هاوئاهەنگی ڕێکخراوە پیشەیی و فەرهەنگییەکانی ئێران ڕۆژی چوارشەممە ٢٦ی گەلاوێژ، دوای ١٠٨ ڕۆژ بەندکران بە دانانی بارمتەی قورسی دوو ملیارد تمەنی و بە شێوەی کاتی لە بەندیخانەی ئێڤینی تاران ئازاد بوو.
جێگای ئاماژەیە کە شەعبان محەممەدی و مەسعوود نیک خا، دوو مامۆستای دیکەی دەستبەسەرکراوی خەڵکی مەریوان هێشتا لە بەندیخانەی ئێڤینی تاران ڕاگیراون.
