کوژرانی ژنێکی خەلکی کرماشان بە دەستی هاوسەرەکەی
دوشەممە ۳۱-۰۵-۱۴۰۱ | 22-08-2022
ژنێکی خەڵکی کرماشان بە ناوی سورەیا زەنگەنە ئازاد تەمەن ٥٧ ساڵ بە دەستی هاوژینەکەی درایە بەر دەستڕێژی گوللە و کوژرا. سورەیا زەنگەنە ئازاد شەوی پێنجشەممە ٢٧ی گەلاوێژ، لەلایەن هاوژینەکەی بە ناوی یەدوڵڵا بەیگزادە تەمەن ٦٤ بە چەکی ڕاو کوژراوە. هەتا کاتی ئامادە کردنی ئەم هەواڵە، هۆکاری کوژرانی سورەیا زەنگەنە ئازاد لەلایەن هاوژینەکەیەوە ئاشکرا نەبووە. جێگای ئاماژەیە کە یەدوڵڵا بەیگزادە فەرمانبەری خانەنشینکراوی کۆمپانیای نەوتی کرماشانە.
