ناڕوونی چارەنووسی هاوڵاتیەکی خەڵکی مەهاباد دوای دەستبەسەر کرانی
هەینی ۰۴-۰۶-۱۴۰۱ | 26-08-2022
لە ماوەی ڕۆژانی ڕابردوو دوو هاووڵاتی خەڵکی مەهاباد و سایین قەڵا بە ناوەکانی کازم مام ئیسماعیل و هێمن عەبدی لەلایەن هێزەکانی ئیدارەی ئیتلاعاتی ڕژیم دەستبەسەر و چارەنووسیان نادیارە.
ڕۆژی شەممە ٣٠ی گەلاوێژ، هێزەکانی ئیدارەی ئیتلاعاتی مەهاباد هەڵیانکوتاوەتە سەر ماڵی ئەبووبەکر مام ئیسماعیل لە گوندی لەج سەر بە شاری مەهاباد و دوای گەڕان و پشکنینی ماڵەکەی و زەوت کردنی کەلوپەلە شەخسیەکانیان، خۆی و دوو کوڕی ناوبراویان بە ناوەکانی کازم مام ئیسماعیل و کامیل مام ئیسماعیلیان دەستبەسەر کردووە.
ئەبووبەکر و کامیل مام ئیسماعیل دوای چەند کاتژمێر ئازاد کراون و لە سەر چارەنووسی کازم مام ئیسماعیل هیچ زانیارییەک لەبەر دەستدا نییە.
