دەستبەسەرکرانی هاوڵاتیەکی خەلکی پیرانشار
دوشەممە ۰۷-۰۶-۱۴۰۱ | 29-08-2022
هاووڵاتییەکی خەڵکی پیرانشار بە ناوی ناسر دالە ڕۆژی هەینی ٤ی خەرمانان، لەلایەن هێزەکانی ئیدارەی ئیتلاعاتی ئەم شارەوە دەستبەسەر کرا. ناسر دالە خەڵکی گوندی زەنگیاوەێ و دانیشتووی گوندی شیناوێ بووە و بە بێ هیچ هۆکارێک لەلایەن هێزەکانی ئیدارەی ئیتلاعاتی ڕژیمەوە دەستبەسەر کراوە.
هێزەکانی ئیدارەی ئیتلاعات وێڕای دەستبەسەرکردنی ناسر دالە ماڵەکەیان پشکنیوە و دەستیان بە سەر مۆبایلەکەیدا گرتووە. هەتا کاتی بڵاوکردنەوەی ئەم هەواڵە، زانیارییەکی ورد لەسەر هۆکاری دەستبەسەرکران و ئەو تۆمەتانەی دراوەتە پاڵ ناسر دالە و هەروەها چارەنووس و شوێنی ڕاگیرانی لەبەردەستدا نییە.
