Komala

بەپێی ڕاپۆرتەکان، ڕۆژی پێنجشەممە ٢٢ی پووشپەڕ، “دانا قوربانی” تەمەن ١٩ ساڵ و خەڵکی شاری کامیاران، پاش مانگێک لە دەستبەسەربوونی، بە دانانی بارمتە و بە شێوەیەکی کاتی تا کۆتاییی دادگاییکردنەکەی لە زیندانی ئەو شارە ئازاد بوو.
بەپێی ئەم ڕاپۆرتە، دانا قوربانی ڕۆژی یەکشەممە ٢١ی جۆزەردان، لە دەستبەسەرگەی ئیدارەی ئیتلاعاتی کامیارانەوە بۆ زیندانی ئەم شارە گواسترابوویەوە. بەگوێرەی زانیارییەکان، ئیدارەی ئیتلاعاتی کامیاران تۆمەتی “هاوکاری لەگەڵ حیزبە سیاسیەکانی کوردستان” و “هاوکاری لەگەڵ ڕێکخراوەکانی مافی مرۆڤ”ی داوەتە پاڵ دانا قوربانی. جێگای وەبیرهێنانەوەیە، دانا قوربانی، ڕۆژی یەکشەممە ٢١ی جۆزەردان لە دووکانەکەی خۆی کە دەکەوێتە فازی چوارەمی شاری کامیاران، لە لایەن هێزەکانی ئیدارەی ئیتلاعاتی ئەو شارەوە ڕفێندرابوو.