ئازادی ٢ هاوولاتی خەلکی سەقز
پێنجشەممە ۲۳-۰۴-۱۴۰۱ | 14-07-2022
دوو هاووڵاتیی دەستبەسەرکراوی خەڵکی گوندی مەلقەڕنی سەقز بە ناوەکانی محەممەد فەدەوی و محەممەد مەهجوور کە پاییزی ساڵی ڕابردوو لەلایەن هێزەکانی ئیدارەی ئیتلاعاتی رژیمەوە دەستبەسەر کرابوون، بە دانانی بارمتە و بە شێوەی کاتی لە بەندیخانەی ناوەندیی شاری سنە ئازاد بوون.
محەممەد مەهجوور ڕۆژی چوارشەممە ٢٢ی پووشپەڕ دوای زیاتر لە ٨ مانگ دەستبەسەرکران بە دانانی بارمتەی ٨٠٠ ملیۆن تمەنی و بەشێوەی کاتی لە بەندیخانەی ناوەندیی سنە ئازاد کرا. ڕۆژی سێشەممەش موحەمەد فەدەوی دوای نزیکەی ٨ مانگ بەندکران بە دانانی بارمتەی ٧٥٠ ملیۆن تمەنی لە بەندیخانەی ناوەندیی سنە ئازاد کراوە.
جێگای ئاماژەیە کە ئەم دوو هاووڵاتییەی خەڵکی سەقز لە ماوەی ئەو ڕۆژانەی کە دەستبەسەر بوون لە مافی پارێزەر بێبەش بوون .