ئێعدامی بەندکراوێکی خەڵکی ئیلام لە زیندانی کەرەج
یەکشەممە ۱۰-۱۰-۱۴۰۲ | 31-12-2023
بەرەبەیانی ڕۆژی شەممە ٩ی بەفرانبار،، سزای لە سێدارەدانی “عەبدول شاوالی”، بەندکراوی تەمەن ٣٩ ساڵە و خەڵکی گوندی ئیسلامییەی شارۆچکەی سیروان سەر بە پارێزگای ئیلام لە زیندانی قزڵحیساری کەرەج جێبەجێ کرا.
بە وتەی سەرچاوەیەکی ئاگادار، ئەم بەندکراوە ٥ ساڵ لەمەوبەر بە تۆمەتی “پەیوەندیدار بە مادە هۆشبەرەکانەوە” دەستبەسەر دواتر لەلایەن دەزگای دادوەری کۆماری ئیسلامییەوە، سزای لەسێدارەدانی بەسەرداسەپێنراوە. تاکوو داڕشتنی ئەم ڕاپۆرتە، هەواڵی لە سێدارە دانی عەبدول شاوالی لە لایەن میدیاکانی ڕژیمەوە بەتایبەت میدیاکانی دەسەڵاتی دادوەری بڵاو نەکراوەتەوە.