بریندار بوونی ٦ خوێندکار لە میرجاوە
شەممە ۰۹-۰۷-۱۴۰۱ | 01-10-2022
ڕۆژی هەینی ٨ی رەزبەر لە ئەنجامی تەقەی ڕاستەوخۆی هێزە چەکدارەکانی ڕژیم،لە خۆپیشاندەرانی شاری میرجاوە ٦ منداڵ بریندار بوون.
بە پێی ڕاپۆرتەکان دوای ئەوەی هێزە چەکدارەکانی رژیم لە زاهیدان تەقە لە خۆپیشاندەران دەکەن، خەڵکی شارە جیاجیاکانی پارێزگای سیستان و بەلوچستان، لەوانە میرجاوە، بە خۆپیشاندانەکانەوە پەیوەست بوون کە ٦ کەس برینداربوون کە منداڵی خوار ١٨ ساڵ و خوێندکاریان تێدایە. ڕاپۆرتەکان باس لەوە دەکەن کە هەندێک لەو منداڵانە باری تەندروستیان ناجێگیرە.