بریندار بوونی کۆلبەرێک لە سنووری نەوسوود
چوارشەممە ۰۵-۰۵-۱۴۰۱ | 27-07-2022
کۆڵبەرێک بە ناوی جەلیل کەریمی خەڵکی گوندی شەڕەکان سەر بە شاری پاوە ڕۆژی سێشەممە ٤ی گەلاوێژ لە کاتی کۆڵبەری لە سنووری نەوسوود بە تەقەی ڕاستەوخۆی هێزە چەکدارەکانی رژیم بە سەختی بریندار بوو.
بەگوێرەی هەواڵەکان، جەلیل کەریمی لە مەودای نزیکەوە و بە چەکی ساچمەیی دراوەتە بەر دەستڕێژی گوللە، بە شێوازێک کە زیاتر لە ٢٠ پارچە ساچمە بەر لاقی کەوتووە.شایانی باسە جەلیل کەریمی خێزاندار و باوکی سێ منداڵە .