Komala

لە هێرشێکدا بۆ سەر بنکەیەکی ئەمریکا لە سوریە دوو سەرباز برینداربوون. ئاژانسی رۆیتەرز لەزاری بەرپرسێکی ئەمریکایەوە بڵاوی کردەوە، دوای هێرشێکی موشەکی بۆ سەر بنکەیەک لە رۆژهەڵاتی سوریە دوو سەربازی ئەمەریکا برینداربوو. ئەم بەر پرسە رایگەیاند یەکێک لە بریندارەکان چارەسەری بۆ کراوە، ئەوی دی لە ژێر چارەسەریدایە.
تا ئێستا هیچ لایەنێک بەرپرسیاریەتی خۆی لە هێرشەکە رانەگەیاندووە، بەڵام چاوگە ناوخۆییەکان باسیان لەوەکردووە، هێرشەکە لەلایەن هێزەکانی سەر بە جمهووری ئیسلامیەوە بووە.