برینداربوونی ٢ کۆڵبەر لە سنووری بانە بە تەقەی ڕاستەوخۆی هێزەکانی ڕژیم
سێشەممە ۰۴-۰۷-۱۴۰۲ | 26-09-2023
ڕۆژی یەکشەممە ٢ی رەزبەر، هێزە چەکدارەکانی ڕژیم لە سنووری کانی سووری بانە تەقەیان لە ژمارەیەک کۆڵبەر کردووە و لە ئاکامدا کۆڵبەرێک بە ناوی فەرهاد قادرپوور تەمەن ٣٥ ساڵ و خەڵکی بانه بە سەختی بریندار بووە.
هەروەها، ڕۆژی شەممە ١ی ڕەزبەر، جەوهەر فکری کۆڵبەری تەمەن ٣٠ ساڵی خەڵکی شاری سەقز بە تەقەی ڕاستەوخۆی هێزە چەکدارەکانی جێگیر لە سنووری هەنگەژاڵی بانە بریندار بوو. ناوبراو بەمەبەستی چارەسەری پزیشکی بۆ نەخۆشخانەی سەلاحەددین ئەیووبی بانە گواسترایەوە.