بیکار بوونی زیاتر لە ٢٠٠ کریکاری کارخانەی” سلیکۆن متاڵ”ی برووجرد
پێنجشەممە ۲۲-۰۲-۱۴۰۱ | 12-05-2022
کارخانەی “سلیکۆن متاڵ”ی برووجرد سەر بە پارێزگای لوڕستان کە وەک شەشەمین کارخانەی سلیکۆنی جیهان دێتە ئەژمار بەهۆی قەیرانی ڕژیم داخرا.
ئەو کارخانە ساڵی ١٣٨٨ لە پێنج فازدا دەس بە درووست کردنی کرا و بەپێی بەڵێنییەکانی بەرپرسانی پەیوەندیدار دەبوا ساڵی ١٣٩١ گەیشتبا ئاستی بەرهەمهێنان. بەڵام پێنج ساڵ دوا کەوت.
ئێستا دوای ماوەی چوار ساڵ بەرهەمهێنان بەهۆی نەبوونی خزمەتگوزاریی بانکی و نەبوونی سەرمایەی پێویست داخراوە و بەوهۆیەوە زیاتر لە ٢٠٠ کرێکار بێ ئەوەیکە بیمەی بێکارییان بۆ تەرخان بکرێت بەگشتی لەسەر کار دەر کراون و بێکار بوون.