تەقەکردن لە کونسوولخانە ئەمریکا لە عەڕەبستانی سعوودی
پێنجشەممە ۰۸-۰۴-۱۴۰۲ | 29-06-2023
کاربەدەستانی عەڕەبستان ڕایانگەیاندووە کە لە ئەنجامی ڕووداوێکی تەقەکردن لە نزیک کونسوولخانەی ویلایەتە یەکگرتووەکانی ئەمریکا لە شاری جەدە، دوو کەس کوژراون.
بەوتەی پۆلیسی عەڕەبستان، ڕۆژی چوارشەممە ٧ی پووشپەڕ، هێرشبەرێک بە چەکی تەواو ئۆتۆماتیک لە نزیک کونسوولخانەی ئەمریکا لە کاتێکدا کە لە ماشێنەکەی دابەزیوە، دەستی کردووە بە تەقەکردن و لە ئەنجامی ئەم تێکهەڵچوونە، هێرشبەرەکە کوژراوە و کەسێک لە هێزە ئەمنییەکان گیانی لەدەست داوە. شایانی باسە، هێرشبەرەکە هاووڵاتی نێپاڵی بووە و ئەمە لەحاڵێکدایە کە هەتا ئێستا هۆکاری ئەم هێرشە نەزانراوە.