خۆپیشاندانی لایەنگرانی گشت پرسی بۆ سەربەخۆیی کاتالۆنیا
دوشەممە ۱۰-۰۷-۱۴۰۲ | 02-10-2023
ڕاگەیەنەرەکانی خۆجێیی لە کاتالۆنیا ڕۆژی یەکشەممە ٩ی ڕەزبەر، لە ڕاپۆرتێکیاندا باسیان لە بەڕێوەچوونی خۆپیشاندان بە بۆنەی ساڵوەگەڕی گشت پرسی بۆ سەربەخۆیی کاتالۆنیا لە ساڵی ٢٠١٧ کردووە.
بەپێی ئەم ڕاپۆرتە، ئەم خۆپیشاندانە کە لەسەر بانگەوازی ڕێکخراوەکانی مەدەنی و پشتیوانی سەربەخۆیی ناسراو بە کۆڕبەندی نەتەوەیی کاتالۆنیا “ANC” لە شاری بارسێلۆن بەڕێوەچووە، تێیدا خۆپیشاندەران جەختیان لەسەر ڕێزگرتن لە دەنگی خەڵک کە شەش ساڵ لەمەوبەر لە سندووقەکانی دەنگدان لەم ناوچەیە هاتەدەرێ کردەوە و خوازیاری سەربەخۆیی ئەم ناوچەیە بوون.