خۆپیشاندانی هەزاران کەسی لە دژی بەرزبوونەوەی کرێ خانوو لە کاتالۆنیا
یەکشەممە ۱۷-۰۴-۱۴۰۳ | 07-07-2024
بە هەزاران کەس لە هەرێمی کاتالۆنیای ئیسپانیا دژی هاتنی ژمارەیەکی زۆر گەشتیار بۆ هەرێمەکەیان و بەرزبوونەوەی کرێ خانوو خۆپیشاندانیان کرد.
هاووڵاتییانی هەرێمی کاتالۆنیا دروشمی سنووردانانیان بۆ هاتنی گەشتیاران بۆ هەرێمەکە بەرزکردەوە. هۆی سەرەکی خۆپیشاندانی دانیشتووانی کاتا لۆنیا دژی هاتنی گەشتیاران بۆ ئەوە دەگەڕێتەوە کرێی خانوو و نرخی خواردەمەنی، بەشێوەیەکی بەرچاو بەرزبووەتەوە و ئەوەش کاریگەریی نەرێنی ئابووری لەسەر خەڵک داناوە. بە گوێرەی داتای بەرپرسانی هەرێمی کاتالۆنیا، لە ماوەی 10 ساڵی ڕابردوودا کرێی خانوو بەهۆی هاتنی ڕێژەیەکی زۆر گەشتیارەوە لەسەدا 68 بەرزبووەتەوە.