Komala

بەپێی ڕاپۆرتەکان، بڕیارێکی نوێی وەزارەتی نەوتی عێراق تووڕەیی کرێکاران و کارمەندانی کەرتی نەوتی پارێزگای بەسرەی لێکەوتووەتەوە و خۆپیشاندەران بە دەربڕینی ناڕەزایەتیی، چەند کێڵگە و ناوەندی نەوتی سنووری پارێزگاکەیان بەستووە.
ئەمڕۆ سێشەممە ٦ی خەرمانان، ئاپۆڕایەکی ناڕەزایی دەربڕین کارمەند و کرێکارانی کۆمپانیای نەوتی بەسرەی گرتووەتەوە و بەخۆپیشاندانەوە دەرگای کێڵگە نەوتییەکانی ڕومێلەی باشوور و بورجسیەی باکووری پارێزگای بەسرەیان داخستووە. خۆپیشاندانی کرێکاران و فەرمانبەرانی کۆمپانیای نەوتی بەسرە لە بڕیارێکی وەزارەتی نەوتی عێراقەوە سەرچاوەی گرتووە کە بڕیاری گواستنەوەی سەرجەم کرێکار و کارمەندانی کۆمپانیا نەوتییەکانی داوە بۆ سەر میلاکی کۆمپانیاکانی دیکە، ئەمەش بووەتە هۆی توڕەبوونیان.