Komala

ڕۆژی یەکشەممە ١٠ی گوڵان هێزەکانی ڕژیم لە سنووری نەوسوود هێرشیان کردە سەر محەممەد دەری، خەڵکی گوندی “دەرێ” مەریوان و سیروان ساڵحی، خەڵکی گوندی “تەخان” سەر بە سەوڵاو و بە شێوەیەکی دڕندانە ئەشکەنجەیان کردن.

بەوتەی سەرچاوەیەکی ئاگادار، هێزە چەکدارەکانی کۆماری ئیسلامی لە سنووری نەوسوود، سەرەتا بەردیان گرتووەتە ئەم کۆڵبەرانە و پاشان ئەوانیان داوەتە بەر لێدان و کوتان و بە سەختی برینداریان کردوون.

بەهۆی ئەم ئەشکەنجانەوە، کەمەر و لاقی سیراون ساڵحی بریندار بووە و زیان بە سەری محەممەد دەری گەیشتووە و ڕەوانەی نەخۆشخانە لە شاری سنە کراوە.