شەش خوێندکاری زانکۆی ڕازی کرماشان بەناوەکانی “عەلیڕەزا نادری، ڕامین حەبیبی، کامیاب ڕەحمانی، عەلی سەعدی، محەممەد مۆرادی و سەعید ئێران نژاد” لە لایەن کۆمیتەی ئینزباتی ئەم زانکۆیە بۆ دوو تێرم لە زانکۆ دوورخراونەتەوە.
بەپێی ئەم ڕاپۆرتە، لەم دواییانەدا کۆمیتەی ئینزباتی زانکۆی ڕازی کرماشان سزای دوو تێرم دوورخستنەوە لە خوێندنی بەسەر خوێندکاران عەلیڕەزا نادری، ڕامین حەبیبی، کامیاب ڕەحمانی، عەلی سەعدی، محەممەد مۆرادی و سەعید ئێران نژاد سەپاند. شیاوی ئاماژە پێدانە کە ئەم خوێندکارانە لە مانگەکانی ڕەزبەر و سەرماوەزی ساڵی ڕابردوو و لە کاتی دانیشتنی سەرەتایی کۆمیتەی ئینزباتی زانکۆی ڕازیدا، لە دەستبەسەرگە بوون. محەممەد مۆرادی، سەعید ئێران نژاد، عەلیڕەزا نادری، عەلی سەعدی و کامیاب ڕەحمانی لە ڕەوتی خۆپیشاندانە سەرتاسەرییەکان لە پاییزی ساڵی ڕابردوو دەستبەسەر و دواتر بە دانانی بارمتە ئازادکرابوون.