Komala

دادگای ڕژیم لە شاری مەهاباد، چوار هاووڵاتی دانیشتووی ئەمشارەی بە ناوەکانی [سەید محەممەد شوکری، ئەمیر عەبدۆڵازادە، عەلی حەکیمی و سامان غەزالی]، سەرجەم بە ١٣ ساڵ و شەش مانگ زیندانی تەعزیزی مەحکووم کرد.

بەپێی ئەم ڕاپۆرتە، لقی یەکی دادگای ڕژیم لە مەهاباد، ئەمیر عەبدۆڵازادە و سەید محەممەد شوکری هەر کام بە چوار ساڵ و نۆ مانگ زیندان مەحکووم کردووە. ئەم دادگایە هەروەها، عەلی حەکیمی بە سێ ساڵ و چوار مانگ زیندان و سامان غەزالی ڕۆژنامەنووس و چالاکی مەدەنی بە هەشت مانگ زیندانی تەعزیری و یەک ساڵ دوورخستنەوە لە کاری ڕۆژنامەنووسی، مەحکووم کردووە. دەرکردنی ئەم حوکمە لەحاڵێکدایە کە ئەم کەسانە لە مافی هەبوونی پارێزەر بێبەش بوون.