Komala

ڕۆژی سێشەممە ١٥ی سەرماوەز سێ منداڵی ١٦ ساڵان بە ناوەکانی زانیار ئەسەدی، سۆران ئەسعەدی و ماردین قادری لەلایەن هێزە ئەمنییەکانی ڕژیم لە شارەکانی کامیاران و پاوە ڕفێندران.
بە وتەی سەرچاوەیەکی ئاگادار، هێزە ئەمنییەکانی ڕژیم لە شەقامێکی کامێاراندا زانیار ئەسەدییان گرتوە و هاوکات هەڵیانکوتاوەتە سەر ماڵەکەیان.
سەرچاوەیەکی تر لە پاوە ڕایگەیاند دوانیوەڕۆی ڕۆژی سێشەممە هێزەکانی دەزگای ئیتلاعاتی سپای پاسداران دوو منداڵی قوتابیی ١٦ ساڵانیان بە ناوەکانی سۆران ئەسعەدی و ماردین قادری ڕفاندووە.
بە وتەی ئەم سەرچاوەیە، پێشتر و لە ڕێکەوتی ٣٠ی خەرمانانیش لە ڕەوتی خۆپیشاندانە جەماوەرییەکانی پاوەدا ئەم دوو منداڵە لە لایەن هێزەکانی ئیدارەی ئیتلاعاتەوە دەستبەسەر و دوای چەند کاتژمێر ئازاد کرابوون.