دەستبەسەر کران و ڕفاندنی سێ هاووڵاتیی خەڵکی کامیاران
پێنجشەممە ۰۱-۱۰-۱۴۰۱ | 22-12-2022
سێ هاووڵاتیی خەڵکی گوندی ئەڵک سەر بە شاری کامیاران لەلایەن هێزە سەرکوتگەرەکانی ڕژیمەوە ڕفێندران.
پێش نیوەڕۆی پێنجشەممە، ١ی بەفرانبار، مێهرداد مورادی نژاد، خەڵکی گوندی ئەڵک و کارمەندی بانکی تجارەت لە شاری کامێران لەلایەن هێزەکانی ئیتلاعاتی سپای پاسدارانەوە ڕفێندرا.
دوای ڕفاندنی مێهرداد مورادی نژاد لەلایەن هێزەکانی ئیتلاعاتی سپا، بۆ شوێنێکی نادیار گواستراوەتەوە و هیچ زانیارییەک سەبارەت بە بارودۆخی تەندروستی ناوبراو لەبەردەستدا نییە.
هەر لەم ڕاستدایە دا، لە سەرەتاکانی ئەم حەفەتەیە دوو هاووڵاتی دیکەی خەڵکی گوندی ئەڵک بە ناوەکانی مانی گورگانی و ئارێز زەردۆیی دەستبەسەرکران.
ئەم دوو هاووڵاتییە دوای تێپەڕینی ٣ ڕۆژ لە دەستبەسەرکرانیان ئازاد کران و لە ماوەی دەستبەسەربونیاندا لەژێر ئەشکەنجەی ناوەندەکانی ڕژیمدا بوون.
