Komala

بە پێی ڕاپۆرتەکان، ڕۆژی پێنجشەممە ٢٤ی خەزەڵوەر، “حەمید عینایەتی”، تەمەن ٤٥ ساڵ و “فەرید عینایەتی”، تەمەن ٣٧ ساڵ لە ئەنجامی هێرشی هێزەکانی ئیدارەی ئیتلاعات بۆ سەر ماڵەکەیان لە کرماشان دەستبەسەر کراون.
شایانی باسە، حەمید و فەرید عینایەتی دوای دەستبەسەرکران بۆ شوێنێکی نادیار گواستراونەتەوە و دوای تێپەڕبوونی ١٢ ڕۆژ لە دەستبەسەرکردنەکەیان، هیچ زانیارییەک لە چارەنووسیان لەبەر دەستدا نییە. جێگای ئاماژەیە، فەرید عینایەتی لە ڕەوتی بزووتنەوەی ژن، ژیان، ئازادی دەستبەسەر و دوای ماوەیەک بە دانانی بارمتە بە شێوەیەکی کاتی لە زیندان ئازاد کرابوو. تا ئێستا لە وردەکاری هۆکاری دەستبەسەرکران و هەروەها ئەو تۆمەتانەی دراونەتە پاڵ ئەم دوو برایە، زانیارییەکی ورد لەبەر دەستدا نییە.