Komala

ڕۆژی دووشەممە ٢ی گەلاوێژ، مەسعوود میرزایی تەمەن ٥٣ ساڵ و چالاکی مەدەنیی خەڵکی شاری سنە، لە بازگەی پشکنینی نێوان کرماشان – سنە و لەلایەن هێزەکانی ڕژیمەوە دەستبەسەر کراوە.
هاوکات لەگەڵ دەستبەسەرکردنی مەسعوود میرزایی، برایەکی دیکەی ناوبراو بە ناوی ئیبراهیم میرزایی و چالاکی مەدەنی، لە شوێنی کارەکەی و لەلایەن هێزەکانی ڕژیمەوە دەستبەسەر کراوە. هەر لە هەمان ڕۆژدا، هۆزان بابەکەرەمی چالاکی مەدەنی، لە شوێنی کارەکەی لە شاری سنە، لەلایەن ئەو هێزانەوە دەستبەسەر کراوە. تا کاتی داڕشتنی ئەم هەواڵە، هیچ زانیارییەک لەسەر چارەنووسی ئەو سێ چالاکە مەدەنی و فەرهەنگییە و هەروەها شوێن و بارودۆخی ڕاگیرانیان لە بەردەستدا نییە.