Komala

بەپێی زانیارییەکان، ڕۆژی یەکشەممە ١٤ی جۆزەردان، هاووڵاتییەکی خەڵکی دێهلۆران بە ناوی “ئارەش یوونسی”، لە لایەن هێزەکانی ئیدارەی ئیتلاعاتی ئەو شارە دەستبەسەر کرا.
بە وتەی سەرچاوەیەکی ئاگادار، هێزەکانی ئیدارەی ئیتلاعات بەبێ هیچ هۆکارێک، ئەو هاووڵاتییەیان دەستبەسەر کردووە و دواتریش بۆ شوێنێکی نادیاریان گواستوەتەوە. هەتا کاتی داڕشتنی ئەم هەواڵە، هیچ زانیارییەک لەسەر هۆکاری دەستبەسەرکردن و ئەو تۆمەتانەی کە دراونەتە پاڵ ئارەش یوونسی و هەروەها چارەنووس و شوێنی ڕاگیرانی ناوبراو لە بەردەستدا نییە و بەدواداچوونی بنەماڵەکەشی هیچ ئاکامێکی نەبووە.