Komala

تازەلاوێکی خەڵکی شاری پاوە بە ناوی سینا نادری تەمەن ١۶ ساڵ، لەلایەن هێزە ئەمنییەکانی کۆماری ئیسلامییەوە دەستبەسەر کراوە و تاکوو ئێستا هیچ زانیارییەک لەسەر چارەنووسی لەبەردەستدا نییە.
هێزەکانی ئیدارەی ئیتلاعاتی ڕژیم، سەر لە ئێوارەی شەوی چوارشەممە، ٣٠ی خەرمانان، هێرشیان کردووەتە سەر ماڵی باوکی سینا نادری و ناوبراویان بە شێوەیەکی دڕندانە دەستبەسەر کردووە.
پاش سێ ڕۆژ لە دەستبەسەرکردنی سینا نادری و بەدواچوون و سەردانی بنەماڵەکەی لە ناوەندە ئەمنییەکانی ڕژیم، تاکوو ئێستا هیچ زانیارییەک لەسەر چارەنووس و شوێنی ڕاگیرانی لەبەردەستدا نییە.
شایانی باسە کە لە درێژەی ناڕەزایەتی و خۆپیشاندانەکانی خەڵکی کوردستان لە شاری پاوە، زیاتر لە ۶٧ کەس لەلایەن ناوەندە ئەمنییەکانی رژیمەوە دەستبەسەر کراون.