دەستبەسەرکرانی چوار هاووڵاتی لە مەریوان و سنە
پێنجشەممە ۲۸-۰۷-۱۴۰۱ | 20-10-2022
رۆژی چوارشەمە ٢٧ی رەزبەر، سێ هاوڵاتی شاری سنە بە ناوەکانی شادی گوفتاری، شەقایق باباخانی و مەهیلا ئەسڵانی لەلایەن هێزە ئەمنییەکانی رژیم لەو شارە دەستبەسەرکران و گوازرایەنەوە بۆ شوێنێکی نادیار.
هەروەها لە شاری مەریوانیش هەڵسووراوی مەدەنی وریا دڵ ئەنگیز لەلایەن هێزەکانی ئیتلاعاتی سوپای رژیمەوە دەستبەسەرکرا و گوازرایەوە بۆ شوێنێکی نادیار.
جێگای ئاماژە پێکردنە کە، تا کاتی ئامادە کردنی ئەم هەواڵە، هیچ زانیارییەک لەسەر چارەنووس و شوێنی ڕاگرتنی ئەم دەستگیر کراوانە، لە بەردەستدا نییە.