دەستبەسەرکردن و ناڕوونی چارەنووسی هاووڵاتیەکی خەڵکی شاری سنە
چوارشەممە ۰۸-۰۶-۱۴۰۲ | 30-08-2023
سەرەڕای تێپەڕبوونی سێ حەفتە لە دەستبەسەرکردنی ئیدریس قاسمی، تەمەن ٣٥ ساڵ و خەڵکی گوندی “سەڵەواتاوا”ی شاری سنە، هێشتا چارەنووسی ناڕوونە و هیچ زانیارییەک لەسەر ناوبراو لە بەدەستدا نییە.
بەگوێرەی زانیاریی سەرچاوە ئاگادارەکان، بەدواداچوونەکانی بنەماڵەی قاسمی لەسەر چارەنووسی کوڕەکەیان هیچ ئاکامێکی نەبووە و ناوەندە حکوومەتییەکان هیچ وەڵامێکیان بەو بنەماڵەیە نەداوەتەوە.
هێزەکانی کۆماری ئیسلامی لە ناوەڕاستی مانگی خەرماناندا هێرشیان کردووەتە سەر ئەو هاووڵاتییە و لە باخەکەی خۆی لە گوندی سەڵەواتاوا ناوبراویان دەستبەسەر کردووە.