زیندانیەکی مەحکووم بە ئیعدام، بەهۆی پێ ڕانەگەیشتنی پزیشکی گیانی لەدەست دا
پێنجشەممە ۰۸-۱۰-۱۴۰۱ | 29-12-2022
سیاوەش ڕەسووڵی، بەندکراوی مەحکووم بە ئیعدامی خەڵکی سەردەشت لە زیندانی ڕەجایی شاری کەرەج، بەهۆی ڕێگری لە دەست ڕاگەیشتنی بە پزیشک و درەنگ گواستنەوەی بۆ ناوەندە دەرمانییەکان، گیانی لەدەست دا.
سیاوەش ڕەسووڵی شەش ساڵ لەمەوبەر دەستبەسەرکرا و دوای سێ ساڵ لەلایەن دەزگای دادی ڕژیمی کۆماری ئیسلامی سزای ئیعدامی بەسەردا سەپێندرا.
بەوتەی سەرچاوەیەکی ئاگادار، سەرەڕای ئاگادارکردنەوەی بەرپرسانی بەندیخانە، لە تەشەنە کردنی نەخۆشییەکەی، لە کۆتاییدا ڕۆژی یەکشەممە ٤ی بەفرانبار بەهۆی درەنگ گواستنەوەی بۆ ناوەندە دەرمانییەکان، لە نەخۆشخانەی مەدەنی کەرەج گیانی لەدەست دا.