Komala

بەپێی ڕاپۆرتەکان، ئیدریس ئالی تەمەن ٣١ ساڵ، لە لایەن لەقی ٣ی دادگای شۆڕشی ورمێ بە تۆمەتی “سیخوڕی بۆ ئیسرائیل حوکمی ئێعدامی بەسەردا سەپاوە.
ئیدریس ئالی نزیکەی سێ مانگ لەمەوبەر لە لایەن هێزەکانی ئیتلاعاتی سپای پاسدارانەوە لە سەردەشت دەستبەسەرکرا و لە کۆتاییدا بۆ بەندی سیاسی زیندانی ورمێ گواستراوەتەوە.
شایانی باسە، پەروەندەی ئیدریس ئالی دوای ناڕەزایەتیی بەرامبەر بەم حوکە، بۆ دیوانی باڵای وڵات نێردراوە. جێگای ئاماژەیە، ناوبراو تاکوو ئێستا لە مافە سەرەتاییەکان وەکوو دەستپێڕاگەیشتن بە پارێزەر بێبەش بووە. پێویست بە ئاماژەیە، ئەم دۆسیەیە سەرەڕای ئیدریس ئالی، چوار تۆمەتباری دیکەی هەیە کە هەموویان دوای ماوەیەک دەستبەسەربوون بە دانانی بارمتە ئازاد کراون.