Komala

تەقینەوەی مینی بەجێماو لە شەڕی ٨ ساڵەی نێوان ئێران و عێراق و هەروەها ئەو مینانەی کە لە ماوەی ساڵانی ڕابردوودا لەلایەن سوپای پاسدارانەوە چێندراون هەتا ئێستاش لە ئێران و بەتایبەت کوردستان قوربانی دەگرێت. لە ماوەی ساڵی ڕابردووی زایینیدا لانی کەم ٧ هاووڵاتی بەهۆی تەقینەوەی مین و تەقەمەنییە بەجێماوەکانی شەڕ، لە ناوچە سنوورییەکان گیانیان لەدەستداوە و ٢٠ هاووڵاتی دیکەش بەشێک لە ئەندامەکانی جەستەیان لەدەستداوە.
بەپێی ئەو ڕاپۆرتە، زیاتر لە ٩٦%ی قوربانییانی تەقینەوەی مین کە لە پارێزگاکانی ئیلام، کرماشان، سنە و ورمێ تۆمارکراون هاووڵاتییانی کورد بوون و مێرمنداڵێکیش لە پارێزگای خووزستان برینداربووە.
هەروەها لە ماوەی ساڵی ڕابردوودا لانی کەم ٥ منداڵ و مێرمنداڵی ژێر ١٨ ساڵ بوونەتە قوربانی تەقینەوەی مین.