Komala

ڕۆژی چوارشه‌ممه‌ ٣٠ی سه‌رماوه‌ز، بنه‌ماڵه‌ و كۆمه‌ڵێك له‌ هاووڵاتیانی شاری سنه‌ به‌ كۆبوونه‌وه‌ له‌سه‌ر گڵكۆی “ڕامین فاتحی” و “په‌یمان منبه‌ری” یادی ئه‌و دوو لاوه‌ شۆڕشیگێڕه‌ و ته‌واوی گیانبه‌ختكردووانی ڕێگای ئازادیان به‌رز ڕاگرت.

خه‌ڵكی ئازادیخواز و به‌رابه‌ری ته‌له‌بی شاری سنه‌  له‌سه‌ر گڵكۆی ئه‌و دوو گیانبه‌ختكردووه‌ كۆبوونه‌وه‌ و وێڕای ڕێزلێنان له‌ یادی ئازیزیان، دژبه‌ ده‌سه‌ڵاتی ڕژیمی کۆماری ئیسلامی دروشمیان وته‌وه‌ و سروودی شۆڕشگێڕانه‌یان خوێند‌، له‌ كۆتاییدا به‌شداربووانی ئه‌و ڕێوڕه‌سمه‌ له‌گه‌ڵ ئامانج و ئاواتی ته‌واوی گیانبه‌ختكردووانی ڕێگای ئازادی په‌یمانیان نه‌وێ كرده‌وه‌ و به‌ڵێنیان دا درێژه‌ده‌ری ڕێگای پڕ له‌ شانازیان بن.