كۆبوونه‌وه‌ی ناڕەزایەتی كرێكارانی ئه‌بنییه فه‌نی تراورس له شاری تاران
پێنجشەممە ۲۳-۰۴-۱۴۰۱ | 14-07-2022
ڕۆژی پێنجشه‌ممه ٢٣ی پووشپه‌ڕ، ژماره‌یه‌ك له كرێكارانی شێركه‌تی ئه‌بنییه فه‌نی تراورسی تاران، به به‌ڕێوه‌بردنی كۆبوونه‌وه‌یه‌ك لە ئیعتراز بە دواخستنی گه‌ڵاڵه‌ی په‌سه‌ندكراوی گۆڕینی بارودۆخی كرێكارانی گرێبه‌ستی ناڕه‌زایه‌تییان ده‌ربڕی.
به‌پێی مادده‌ی ٢٠ی یاسای بوودجه‌ی ١٤٠٠ی هه‌تاوی، سه‌رجه‌م كرێكارانی ئێران به‌تایبه‌تی كرێكارانی شێركه‌ته‌كانی ڕێگای ئاسن هه‌تا كۆتایی ئه‌مساڵ ده‌بێت بارودۆخی كاركردنیان له گرێبه‌ستییه‌وه بۆ فه‌رمی، گۆڕانكاری به‌سه‌ردا بێت. جێگای ئاماژه‌یه كرێكاران له‌سه‌ر ئه‌و باوه‌ڕه‌ن كه جێبه‌جێ كردنی ئه‌م گه‌ڵاڵه‌یه ده‌توانێت ده‌ستی په‌یمانكاره‌كان له شێركه‌ته‌كاندا بۆ هه‌میشه كورت بكاته‌وه.