لەسێدارەدانی بەندکراوێک لە زیندانی دیزڵ ئابادی کرماشان
دوشەممە ۲۲-۱۲-۱۴۰۱ | 13-03-2023
سەرلەبەیانی ڕۆژی یەکشەممە ٢١ی ڕەشەممە، حوکمی لەسێدارەدانی بەندکراوێک بە ناوی “عەلی موخان سەیفی”۳۵ ساڵ تەمەن و خەڵکی ئاوای “عەکسەرە”ی کرماشان، لە زیندانی دیزڵ ئابادی ئەمشارە جێبەجێ کرا.
جێگەی ئاماژەیە، ناوبراو دوو ساڵ لەمەوبەر بە تۆمەتی کوشتنی هاوسەرەکەی لە لایەن هێزەکانی ڕژیمەوە دەستبەسەر و دواتر لە لایەن ناوەندی دادی کۆماری ئیسلامییەوە، حوکمی لەسێدارەدانی بەسەردا سەپێندرا.